Contoh Awig-Awig

-

AWIG - AWIG DESA ADAT SUKERTA

DAGING BUKU
MURDHA CITTA
SARGA I : ARAN LAN WAWIDANGAN DESA
SARGA II : PATITIS LAN PAMIKUKUH
SARGA III : SUKERTA TATA PAKRAMAN
            Palet 1. Indik Krama
            Palet 2. Indik Prajuru
            Palet 3. Indik Kulkul
            Palet 4. Indik Paruman
            Palet 5. Indik Druwen Desa
            Palet 6. Sukerta Pamitegep
                        Kaping 1. Karang Tegal lan carik
                        Kaping 2. Papayonan
                        Kaping 3. Wawangunan
                        Kaping 4. Wawalungan
                        Kaping 5. Bhaya
                        Kaping 6. Panyanggran Krama

SARGA IV. SUKERTA TATA AGAMA
           
            Palet 1. Indik Dewa Yadnya
            Palet 2. Indik Resi Yadnya
            Palet 3. Indik Pitra Yadnya
            Palet 4. Indik Manusa Yadnya
            Palet 5. Indik Bhuta Yadnya

SARGA V . SUKERTA TATA PAWONGAN

            Palet 1. Indik Pawiwahan
            Palet 2. Indik Nyapian
            Palet 3. Indik Sentana
            Palet 4. Indik Warisan

SARGA VI.WICARA LAN PAMIDANDA

            Palet 1. Indik Wicara
            Palet 2. Indik Pamidanda

SARGA VII.NGUWAH NGUWUHIN AWIG AWIG

SARGA VIII. PAMUPUT.



MURDHA CITTA

OM SWASTIASTU OM,
OM AWIGHNAMASTU NAMO SIDDHAM.

Putusing pasabhan Krama Desa Adat SUKERTA gumawe awig-awig Desa Pakraman,maka sepat siku-siku pamatut,wastu prasidha prayojanan sami kabeh angidep,amagehaken mwah amolah prawerthi kadi linging awig-awig iki.

SARGA I

ARAN LAN PAWIDANGAN DESA

PAWOS 1

(1). Desa Adat puniki mawasta Desa Adat SUKERTA.
        Wawidangan Desa SUKERTA,Kecamatan SUKERTA ,Kabupaten Daerah Tingkat II SUKERTA
         Propinsi Daerah Tingkat I SUKERTA.
(2). Jebar kakuwub wawidangan nyane mawates nyatur luire :
            a. sisi wetan ( kangin )             : Desa adat keta
            b. sisi kidul ( klod )                  : Desa adat keti
            c. sisi kulon ( kawuh )              : Desa adat ketu
            d.sisi lor ( kaja )                        : Desa adat kete
(3). Desa Adat SUKERTA kawangun antuk Karang Ayahan Desa miwah Karang Pagunakaya sane
wantah tunggil banjar,tur ka pah dados 4 ( petang ) tempekan luire :
a. Tempek Pangkung Daja
b. Tempek Pangkung Tengah
c. Tempek duran tengah
d. Tempek duran dlod


SARGA II

PATITIS LAN PAMIKUKUH

PAWOS 2

Desa Adat Sukerta ngamanggehang Dasar Pamikukuh minakadine :
a.      Pancasila
b.      Undang - undang Dasar 1945
c.       Peraturan Daerah Tingakat I Sukerta
d.      Tri Hita Karana manut sada cara Agama Hindu


PAWOS 3

Luir patitis ( tatujon ) Desa Adat Sukerta luire :
a.      Mikukuhin miwah ngrajegang Agama Hindu
b.      Nincapang/nginggilang tata prawerthi magama
c.      Ngulati tur nincapang kasukertan Desa Adat saha pawongan nyane sakala-niskala
d.      Ngrajegang pamargi sagilik - saguluk,salunglung sabayantaka sajeroning Desa Pakraman.

SARGA III
           
SUKERTA TATA PAKRAMAN

PALET I

INDIK KRAMA
PAWOS 4

a.      Sane kabawos Krama Desa Adat Sukerta inggih punika :
sang sane magama Hindu,jenek magenah ring wawidangan Desa Adat Sukerta,tur sampun panamaya tedun makrama.
b.      Sabinanin kadi sane kaucap ring ajeng kabawos tamiu.

PAWOS 5

Papalihan Krama Desa :

Krama marep/Krama pangarep inggih punika :
               1.   Krama sane sangkaning lingsir nyane wed Desa Adat Sukerta tur kasinanggeh panyeledihi.
               2.   Krama sane lingsir nyane wed Desa Adat Sukerta,nenten kaanggeh penyeledihi kewanten sampun marabian.
               3.   Krama sane magama Hindu sane mawit sakeng Desa Adat lian sane tedun makrama sangkaning pinunas ngaraga.

Krama Balu.Sang sapasira ugi katinggal lampus olih somah nyane.Kapalih dados 2 ( duang ) soroh :
               1.   Balu Wed.
               2.   Balu Neka.

Krama Sapian.Sang sapasira ugi sane palas masomahan tur kapalih dados 2 ( duang ) soroh :
               1.   Sapian Wed
               2.   Sapian Neka

Krama Ubuh wiadin Tapukan.Inggih punika sang sapasira ugi sane katinggal lampus olih raramannyane luh muani krama inucap kantun alit wiadin durung antes ngayah.

Krama Pasuka - dukan inggih punika sang sapasira ugi sane sampun majangkepan wiadin ngajak rabi mawit sakeng Desa Adat lian malinggih wiadin magenah ( madunungan ) ring Desa Adat Sukerta tur masuwe sampun langkungan ring 15 ( limolas ) rahina.

PAWOS 6

Kawit Dados Krama Desa :

1.      Ngawit nyeledihin ayah raramanipun.
2.      Sangkaning sampun marabian,masengker manut pawos 7 aksara b ring sor.
3.      Sangkaning pinunas ngaraga,pamantuke ring sang mawit sakeng Desa Adat lian.


PAWOS 7

Panemayane tedun makrama desa :

a.      Krama inucap ngawit nyeledihin ayah raramanipun.
b.      Sampun marabian masengker 2 ( kalih ) Galungan kawilang sakeng ngrawuhang jotan tumpeng ring rahina Umanis Galungan.
c.       Sampun muputang saurah - arih pidabdab tedun makrama,pemantuk ring sang mawit sakeng Desa adat lian.
d.      Sampun nahenan mapamit/wusan,tur tedun makrama malih,tan ngetang sengker.

PAWOS 8

Tategenan ( ayahan ) Krama Desa
Sakancan Krama Desa Adat sami kakenanin tategenan miwah ayah-ayahan luire :

a.Krama Marep,tategenan miwah ayah-ayahan kakenanin sawungku.
b.Krama Balu,kakenanin tategenan :
1.      Balu wed,putung,penyeledihi,madruwe taneman ring stra wiadin nenten : tategenan sa-
Wungku,ayah-ayahan arirang ( manut balu ).
2.      Balu wed putung,tan penyeledehi,madruwe taneman ring setra,tategenan sawungk ayah-
an arirang ( manut balu ).
3.      Balu wed,putung tan panyeledihi,nenten madruwe taneman ring setra,kaluputang sakeng       
Tategenan miwah ayah nanging patut wenten sane ngerob kundulan.
4.      Balu wed panyeledihi wiadin tan penyeledihi,madruwe putra,tantegenan sawungku ayahan   
Arirang ngantos putran-putran nyane sanek patut nyeledihi sampun marabian.
5.      Balu neka tan ngajak putra kaluputang sakeng tategenan maka miwah ayah-ayahan,nangig mangda wenten sane ngerob kundulan.
6.      Balu neka ngajak putra keni tategenan sawungku,nanging ayah-ayahan arirang ( manut balu ).
c.Krama Sapian
1.      Sapian wed panyeledihi,maputra wiadin nenten,madruwe taneman kalawan nenten ring setra,keni tategenan sawungku nanging ayahan arirang ( manut balu ).
2.      Sapian wed tan panyeledihi,maputra,makamiwah madruwe taneman ring setra,keni tategenan sewungku,nanging ayahan arirang.
3.      Sapian wed tan panyeledihi tan maputra miwah tan madruwe taneman ring setra,kaluputang sakeng tategenan lan ayah-ayahan,nanging mangda wenten sane ngerob kundulan.
4.      Sapian neke ngajak putra,keni tategenan sawungku,nanging ayahan arirang.
5.      Sapian neka tan ngajak putra,kaluputang sakeng tategenan maka miwah ayahan,nanging mangda wenten ngerob kundulan.
d..Krama Ubuh ( tapukan ).


1.      Krama ubuh/tapukan panyeledihi kakenanin tategenan maka miwah ayahan kaluputang ngantos krama ubuh inucap patut tedun ngayah ( lanang : 17 tiban,istri : 15 tiban ).
2.      Krama ubuh/tapukan boya panyeledihi,madruwe kalawan tan madruwe taneman ring setra,kaluputang sakeng tategenan miwah ayahan ngantos krama ubuh inucap majangkepan.
e.Krama Pasuka-dukan

             1.      Krama pasuka-dukan kakenanin tategenan manut pararem.
2.      Indik ayah-ayahan kasukserahang ring krama inucap.

f.Pade sinalih tunggil krama desa adat rikala ngayah matilar tanpa sadok ring prajuru sadereng panemayane puput ngayah wenang krama inucap kakenanin dedosan wiadin pamidanda sane mawasta tanjek laler.Geng artha pamidandane katetepang manut pararem.


PAWOS 9


NYADA,MAPAWANGKID,NYUKSUKIN,MELAGA

Krama Desa Adat kadadosang :

a.      NYADA : mateges ngamademang ayah saantukan :
1.      Sampun lingsir tur putung.
2.      Sampun lingsing,tur sane patut nyeledihin dereng patut ngayah.
3.      Sungkan tahunan.

b.      MAPAWANGKID : mateges nunas laluputan ayah kalaning :
1.      Wenten ngelaksanayang Karya Ayu ( Yadnya ).
2.      Sungkan.
3.      Matepetin sungkan wiadin matepetin rare.
4.      Ngembasang rare
5.      Sedek ngupakara sawa ring sameton tugelan sane malinggih/magenah ring lian desa.Masengker manut pararem.
c.       NYUKSUKIN : mateges nyukserahang ayah ring anak lian ( bina kadi sane kasurat ring pipil ) kalaning wenten kapialang,nanging sang nyuksukin patut :
1.      Sampun mayusa 17 ( pitulas ) tiban yan lanang.
2.      Sampun mayusa 15 ( limolas ) tiban yan istri.

d.      MELAGA ( NGOOT ) : mateges mandukin ayah-ayahan.
1.      Krama Desa kalugra melaga sangkaning malinggih ( jenek ) tetep ring dura desa ( ngrereh kakaryan tahunan,makadi nayaka praja.)
2.      Ageng pamelaga ( pangoot ) kawilangin mabobot 50 ( ping seket kakaryan ) nyabran nem sasih pawukon ( 210 dina ).Geng artha manut pararem.
3.      Pamelaga ( pangoot ) patut katebas/katawur nyabran nem sasih pawukon ( 210 dina ) sawusan Galungan rikalaning paruman Krama Desa nemonin rahina Wraspati Kliwon wara Langkir.

PAWOS 10

WUSAN MAKRAMA DESA.

A.      Sangkaning lasia wiadin pinunas ngaraga,dwaning wenten cihna bukti sane kaaturang ring Prajuru Desa.
B.      Kanorayang wiadin kararyanang olih krama Desa sangkaning tan satinut ring daging Awig-awig sane sampun kasungkemin tur sampun nahenin kapituturin olih krama ngantos ping tiga.


Comments

Post a Comment

Popular posts from this blog

Perbedaan Surat atas Tunjuk (Aan Toonder) dan Surat atas Pengganti (Aan Order)

-
Perbedaan Surat atas Tunjuk (Aan Toonder) dan Surat atas Pengganti ( Aan Order) o    Surat atas Tunjuk (Aan Toonder) : -           Adanya suatu klausula atas tunjuk pada sepucuk surat maka surat tersebut dinamakan surat atas tunjuk. [1] -           Klausula atas tunjuk pada sepucuk surat berharga berarti surat tersebut dapat diperalihkan dari tangan ke tangan. [2] -           Merupakan surat yang menjanjikan sesuatu bila ditunjukkan untuk memberikan barang, pembayaran sejumlah uang, atau pelaksanaan suatu bentuk hak lain. [3] -           Dalam klausula atas tunjuk siapa saja yang memegangnya adalah sebagai pemegang hak. [4] -           Undang-undang menentukan peralihan surat itu berikut hak-hak yang tercakup dalam surat itu adalah sama denga...
Read more

Resume Penggolongan Kesatuan Masyarakat Hukum Adat

-
Ter Haar dalam bukunya Beginselen en stelsel van het adatrecht menunjukkan adanya dua faktor yang berpengaruh bagi timbulnya kesatuan masyarakat hukum adat tersebut, yakni faktor teritorial dan faktor genealogis. Selanjutnya Hilman Hadikusuma menjelaskan pengertian masing-masing kesatuan masyarakat hukum adat. ·          Kesatuan Masyarakat genealogis adalah suatu “... kesatuan masyarakat yang terarur, dimana para anggotanya terikat pada suatu garis keturunan yang sama dari satu leluhur, baik secara langsung karena hubungan darah atau tidak langsung karena hubungan pertalian perkawinan atau pertalian adat. Dalam hal ini ada tiga macam dasar pertalian keturunan, yaitu: o   Pertalian darah menurut garis bapak (patrilineal), misalnya pada orang batak, nias, orang-orang sumba o   Pertalian darah menurut garis ibu (matrilineal), misalnya famili Minangkabau o   Pertalian darah menurut garis ibu dan bapak (parental), misalnya jaw...
Read more

Analisa Kasus Etika dan Tanggung Jawab Profesi (Kasus 3)

-
             Majelis dengan jabatan kasat reskrim tindak pidana narkotika tugas utama mengkoordinir semua stafnya untuk melakukan penggeledahan,penyelidikan,dan penyidikan setiap perbuatan yang diduga mengedarkan,menyimpan,memakai,dan memperdagangkan narkotika. Suatu saat ada laporan dari anak buahnya akan terjadi transaksi narkotika melibatkan Bandar narkotika langsung diperintahkan untuk melakukan penyelidikan dan penangkapan. Setelah tertangkap segera menyampaikan kepada kornelis. Tiba-tiba saja kornelis mendapat telepon dari temannya,yang   tidak lain adalah kerabat daripada Bandar tersebut. Bandar tersebut bernama Nekat. Bandar tersebut meminta bantuan agar kasusnya bisa dibantu. Untuk pembicaraan lebih lanjut akan terus dihubungi melalui telepon. Analisis dari etika dan profesi polisi! ANALISIS KASUS Manfaat etika sebenarnya memperkuat hati nurani yang baik dan benar dari diri pribadi, sehingga mereka sungguh-sungguh merasakan bahw...
Read more